سونا آج دوبارہ تقریباً 4,600 ڈالر فی اونس پر آ گیا ہے اور گزشتہ سیشن کے زیادہ تر نقصانات کی تلافی کر چکا ہے۔ چاندی میں 1.4 فیصد اضافہ ہوا اور قیمت 69.04 ڈالر فی اونس تک پہنچ گئی، جبکہ پلاٹینم اور پیلاڈیم کی قیمتوں میں بھی اضافہ ریکارڈ کیا گیا۔

یاد رہے کہ بدھ کے روز امریکی افراطِ زر کے اعداد و شمار سے ظاہر ہوا کہ انفالیشن اب بھی فیڈرل ریزرو کے ہدف سے نمایاں طور پر اوپر ہے، جس سے شرحِ سود میں اضافے کے امکانات بڑھ گئے۔ نتیجتاً، دھات میں پانچ روزہ اضافے کا سلسلہ ختم ہو گیا۔ اس وقت ڈالر نے گزشتہ دو ہفتوں میں اپنی مضبوط ترین کارکردگی دکھائی اور بانڈ ییلڈز میں بھی اضافہ ہوا۔ اس کے باوجود، اگست میں اب تک سونے کی قیمت میں تقریباً 15 فیصد اضافہ ہو چکا ہے، اور اس اضافے کا بنیادی محرک گزشتہ ہفتے امریکی محکمہ خزانہ کی جانب سے بانڈ مارکیٹ میں کی جانے والی غیر متوقع مداخلت تھی۔

اس ریلی کی نوعیت بنیادی طور پر شرحِ سود کی روایتی منطق سے مختلف ہے۔ امریکی قرضوں کے بھاری بوجھ کی سروسنگ لاگت کو کنٹرول کرنے کی کوششوں نے نام نہاد ڈیویلویشن ٹریڈ میں دوبارہ دلچسپی پیدا کر دی ہے۔ یہی حکمتِ عملی گزشتہ سال سونے کی ریکارڈ ریلی کا باعث بنی تھی، جب سرمایہ کاروں نے بے قابو بجٹ خسارے اور ڈالر کی کمزوری سے تحفظ حاصل کرنے کے لیے سونے کی خریداری کی۔ گزشتہ چند ہفتوں میں مسلسل بحالی نے سونے کو 200 روزہ موونگ ایوریج سے بھی اوپر پہنچا دیا ہے، جسے اکثر طویل مدتی موومینٹم کا اہم انڈیکیٹر سمجھا جاتا ہے۔

ایک اہم واقعہ جمعہ کو جیک سن ہول سپموزیم میں کیون وارش کی تقریر ہے، جو بطور ایف ای ڈی چیئر ان کی پہلی بڑی عوامی پیشی ہوگی۔ سرمایہ کار اور ٹریڈرز افراطِ زر سے متعلق مرکزی بینک کے مؤقف کے بارے میں اشارے تلاش کریں گے۔ وارش کے لیے یہ ان تنقیدوں کا جواب دینے کا موقع بھی ہے جو معیشت کے بارے میں ان کے خیالات میں شفافیت کی کمی سے متعلق کی گئی ہیں۔ اگر وارش کی تقریر ستمبر میں شرحِ سود میں اضافے کی بنیاد فراہم نہیں کرتی تو مارکیٹ اسے ممکنہ طور پر ڈووش مؤقف کے طور پر لے گی، اور کم قرض لینے کے اخراجات روایتی طور پر غیر پیداواری قیمتی دھاتیں کو سپورٹ کرتی ہیں۔

اہم بات یہ ہے کہ مرکزی بینک کی آزادی کا موضوع ایک بار پھر زیرِ بحث آ گیا ہے، جو گزشتہ سال سونے کی ریلی کو سپورٹ کرنے والے عوامل میں سے ایک تھا۔ فیڈ گورنر لیزا کک نے ایک مرتبہ پھر صدر ٹرمپ کی جانب سے دہرائے جانے والے ماٹگج فراڈ کے بے بنیاد الزامات کو مسترد کیا ہے، جبکہ خود امریکی صدر انہیں عہدے سے ہٹانے کی کوششیں دوبارہ شروع کرنے پر غور کر رہے ہیں۔

ایسی صورتحال تشکیل پا رہی ہے جس میں سونے کو تین سمتوں سے سپورٹ حاصل ہو رہا ہے: قرض، مانیٹری پالیسی اور انفالشن فیکٹر ۔ یہی وجہ ہے کہ جمعہ کی تقریر اتنی اہمیت رکھتی ہے۔

سونے کی موجودہ تکنیکی صورتحال کے حوالے سے، خریداروں کو سب سے پہلے 4,656 ڈالر کی قریبی مزاحمتی سطح کو توڑنا ہوگا۔ اس سے ان کے لیے 4,708 ڈالر کی جانب بڑھنے کی راہ ہموار ہوگی، جس کے اوپر بریک آؤٹ کرنا کافی مشکل ہوگا۔ سب سے دور کا ہدف تقریباً 4,738 ڈالر کی سطح ہوگی۔

اگر قیمت میں گراوٹ آتی ہے تو بئیرز 4,592 ڈالر کی سطح پر کنٹرول حاصل کرنے کی کوشش کریں گے۔ اگر وہ کامیاب ہو جاتے ہیں تو اس رینج کے نیچے بریک آؤٹ بلش پوزیشنز کے لیے ایک بڑا دھچکا ہوگا اور سونے کی قیمت کو 4,546 ڈالر کی کم ترین سطح تک دھکیل سکتا ہے، جبکہ مزید گراوٹ کی صورت میں 4,481 ڈالر تک پہنچنے کا امکان بھی موجود ہے۔